BOHAT HI MUDAT KE BAAD,

KAL JAB..!!

KITAB E MAAZI KO MAIN NE KHOLA,

BOHAT SE CHEHRE NAZAR MAIN UTRE,

BOHAT SE NAMOO PE DIL PASEJA,

IK AISA SAFHA BHI USS MAIN AYA,

LIKHA HOWA THA JO ANSOO'N MAIN,

KE JIS KA UNWAN HAMSAFAR THA,

JO SAFHA SAB SE HI MOAT'BAR THA,

KUCH AUR ANSOO USS PAR AA TAPKE,

PAR USS SE AGAY MAIN PARH NA PAYA,

KITAB E MAAZI KO BAND KAR KE,

TUMHARI YADOON MAIN KHO GYA MAIN,

AGAR TU MILTA TU KAISA HOTA,

INHI KHYALOON MAIN SOO GYA MAIN..!!

TUM NE...!!

GIRTE HOWE PATOON KO KABHI DEKHA HO GA,

APNI HAR SAANS WO,

TANHAI MAIN GANWA DETE HAIN,

KYA KHOOB SAJATE HAIN BAHAROON MAIN SHAJAR,

KARHI DHOOP MAIN APNA APP JALA DETE HAIN,

KITNEY BE REHM HAIN SHAJAR,

NAYE PATOON KI KHATIR,

PURANE PATOON KI WAFAOO'N KO BHULA DETE HAIN..!!

AADAT HI BANA LI HAI TERE SHEHR KE LOGON NE,

ANDAZ BADAL LENA,

AWAZ BADAL LENA,

DUNIYA KI MOHABBAT MAIN, 

IMAN BADAL LENA,

IZHAR WO HI RAKHNA,

AHBAB BADAL LENA,

AADAT HI BANA LI HAI TERE SHEHR KE LOGON NE,

RASTEY MAIN AGAR MILNA,

NAZROON KO JHUKA LENA,

AWAZ AGAR DO TU,

QATRA KE NIKAL JANA,

HAR IK SE KHAFA REHNA,

HAR IK SE GILA KARNA,

JATE HOWE RAHI KO,

MANZIL KA PATA DE KAR,

RASTEY MAIN RULA DENA,

AADAT HI BANA LI HAI TERE SHEHR KE LOGON NE..!!

HUM NE KIS TARHA GUZARA HAI,

TUMHAIN KYA MALOOM,

WO JO ROADAAD HAMARI HAI,

TUMHAIN KYA MALOOM,

HAMEEN MALOOM HAI YE PYAR KI BAAZI HUM NE,

KITNE DUKH DARD SE HAARI HAI,

TUMHAIN KYA MALOOM,

TUM NE TU TORR DIA EHD E WAFA AUR YAHAN,

DARD KA SILSALA JAARI HAI,

TUMHAIN KYA MALOOM,

WAQT KI QABR MAIN ULFAT KA BHARAM RAKHNE KO,

APNI KI LAASH UTARI HAI,

TUMHAIN KYA MALOOM..!!

SUNO..!!

TUM TU AZM WALE HO,

BALA KA ZABT RAKHTE HO,

TUMHAIN KUCH BHI NAHI HO GA,

MAGAR DEKHO..!!

JISE TUM NE YOUN CHORA HAI,

USEY TU THEK SE SHAYD BICHARNA BHI NAHI AATA...!!

SAHIL UDAS THA KE ,

SAMANDAR UDAS THA,

LAGTA THA JAISE,

SARA MANZAR UDAS THA,

LOTI FALAK SE TU,

BARI DILGEER THI DUA,

IK KHAWAB TOOTNE PAR,

MUQADAR UDAS THA..!!

HUKM TERA HAI TU TAMEEL KIYE DETE HAIN,

ZINDAGI HIJR MAIN TEHLEEL KIYE DETE HAIN,

TU WASAL KI KHAWAHISH PE BIGARTA KYON HAI,

DIL LAGI HI TU HAI, CHALO TABDEEL KIYE DETE HAIN,

AJJ SAB ASHKOON KO ANKHOON KE KINARE PE BULA,

AAJ ISS HIJR KI TAMEEL KIYE DETE HAIN,

HUM JO HANSTE HOWEY ACHEY NAHI LAGTEY TUJH KO,

HUKM KAR AANKH ABHI JHEEL KIYE DETE HAIN...!!

ZINDAGI KE SAFAR MAIN,

KOI RASTA NAHI DETA,

ZAMEEN WAQIF NAHI BANTI, 

FALAK SAYA NAHI DETA,

KHUSHI AUR DUKH KE MOSAM, 

SAB KE APNE APNE HOTE HAIN,

KISI KO APNE HISE KA,

KOI LAMHA NAHI DETA,

UDASI JISS KE DIL MAIN HO, 

USSI KI NEEND URTI HAI,

KISI KO APNI ANKHOON SE, 

KOI SAPNA NAHI DETA,

UTHANA KHUD KI PARTA HAI,

THAKA TOOTA BADAN APNA,

KE JAB TAK SANS CHALTI HAI, 

KOI KANDHA BHI NAHI DETA...!!

YAAR BHI REIT KI DEWAR SAMHAJTE HAIN MUJHE,

MAIN SAMHAJTA THA,

MERE YAAR SAMHAJTE HAIN MUJHE,

MAIN TU YOUN CHUP HOON,

KE ANDAR SE BOHAT KHALI HOON,

AUR SAB LOG BOHAT PUR ISRAR SAMHAJTE HAIN MUJHE,

MAIN BADALTE HOWE HALAT MAIN DHAL JATA HOON,

DEKHNE WALE ADAAKAR SAMHAJTE HAIN MUJHE,

WO JO USS PAAR HAIN UNN KE LIYE,

ISS PAAR HOON MAIN,

WO JO ISS PAAR HAIN, USS PAAR SAMHAJTE HAIN MUJHE,

NAIK LOGON MAIN MUJHEY NAIK GINA JATA HAI,

AUR GUNAHGAAR,

GUNAHGAAR SAMHAJTE HAIN MUJHE...!!

"TALASH"

TUM NE 

MURJHAYE HOWE PHOOL KABHI DEKHE HAIN

DIL KI QABROON PAR PAREY

HIJR KI LAASH KI AANKH PAR DHAREY

TUM NE 

UKTAYE HOWEY KHAAWAB KABHI DEKHE HAIN

DARD KI PALKOON SE LIPTE HOWE GHABRAYE HOWE

TUM NE

BE CHAIN DUWAEN KABHI DEKHI HAIN

MOHABBAT KE KINAROO PE BHATAKTI PHIRTI

TUM NE 

DEKHA HAI MUJHEY KYA

KABHI DEKHA HAI MUJHEY....??