SADIYON SE QAYD HOON MAIN,

TANHAYIOON KI GARIFT MAIN,

MUJHEY AZAD KAR JAO LE KAR APNI SOHBAT MAIN,

MANGA KAROON GI UMAR SARI,

TUMHAIN RAB SE MANATT MAIN,

NA DEKHA AKRO MUJHEY PEHROON YOUN ULFAT MAIN,

MAIN TUMHARI HI HOON,

KYON HO ITNE HERAT MAIN,

JISMOON MAIN NA SAHI,

ROOH BANN KAR MILOON GI JANAT MAIN..!!

Saya pooch betha hai mujh se,
Andhera ho jata hai jab se,
Aur sham meri rukhsat se,
Baat karte ho tum kis se,

Main jawaban,
Itna keh payi us se,
Ke pur-sakoon hun main uski Qurbat se,
Jo bhejta hai har roz farishta jannat se..!!

SUBHA KI CHAHH MAIN,

ANKHOON KE DARECHEY KHULEY,

AUR WAQT KA AAJ SAMNA KIYA,

TU JEE GHABRAYA, AUR ZEHAN THARAYA,

KE KYON KAR HO BASAR IK AUR DIN,

KAHAN SE LAYEN,

JENEY KA HOSLA TUM BIN…!!

TOOT KAR CHAHA ,

MAIN TOOT KAR BIKHRA,

ISS TOOTNE KE KHEEL MAIN,

KYON NA WO TOOT KAR PIGHLA..!!

ZINDAGI KE STATION PAR BIKHRA HOWA WO KHAWAB HOON,

JO KISI KA BHI NAHI……………!!

JAGTEY THAKI AANKHOON KE ADHOOREY KHAWAB,

KISI ROZ TERI PANAH MAIN POOREY HOON GE.

Kya unka dil machalta hoga,

Meri tarah jalta hoga,

Kya raat basar hoti hogi,

Neend sakoon ki hoti hogi,

Kya meri aahat talashtey hongey,

Chaunk kar uth woh jatey hongey,

Kya chand ko raatbhar taktey hongey,

Taaron ko gintey rehtey hongey,

Kya hathon pe naam mera likhtey honge,

Likh likh kar mitatey hongey,

Kya kitaab raat der tak padhtey hongey,

Usme dabi meri tasveer dekhtey hongey,

Kya ankhein moond kar tadaptey hongey,

Pal pal rooh se pukartey hongey,

Kya mera naam padh kar kahin,

Bar bar woh padhtey hongey,

Kya doston se baaten kartey huwe,

Chupke se mujhe bhi dekhtey hongey,

Kya juthi muskan woh bhi rakhtey hongey,

Hanstey hanstey pal mein hi rotey hongey,

Kya zindagi mein meri kami mehsoos karte honge,

"Aa bhi jao, Ab bohat hua"andar se cheekhtey honge,

Kya har mohabbat karne waley,

Gawahi pyar ki detey hongey..?

DABI DABI SI WO MUSKRAHAT,

LABOON PE APNE SAJA SAJA KE,

WO NARM LEHJEY MAIN BAAT KARNA,

ADDA SE NAZREEN JHUKA JHUKA KE,

WO AANKH TERI SHARARTI SI,

WO ZULF MATHEY PE NACHTI SI,

NAZAR HATEY NA AIK PALL BHI,

MAIN THAK GYA HOON HTA HTA KE,

WO TERA HATHOON KI UNGLIOON KO,

MILA KE ZULFOON MAIN KHOO SA JANA,

HAYA KO CHEHREY PE PHIR SAJANA,

WO PHOOL CHEHRA KHILA KHILA KE,

WO HATH HOROON KE GHAR HOON JAISE,

WO PAOON PARIYON KE PARR HOON JAISE,

NAHI HAI TERI MISAL JANA,

MAIN THAK GYA HOON BTA BTA KE..!!

BADLOON KE TALEY YOUN HI SHAM DHALEY,

ROZ MILTE RAHE HAIN, ROZ MILTE RAHEEN GE,

JAB BHI PUKARA TU NE HUM KO,

PAAS TERE AA JAYEN GE,

WADI WADI PARBAT PARBAT,

PYAR KA GEET RACHAYEN GE,

WAQT KA KARWAN LE KAR JAYEN JAHAN,

HAR QADAM PAR HUM,

TUJHE APNI MANZIL KAHEEN GE,

AA HASEEN HUMSAFAR PYAR KI RAAH PAR,

SATH AYEEN GI KHUSHIYAN, SATH HAR GHAM SAHEEN GE..!!

“MERA DIL KEHTA HAI”

KISI NE KAHA KE MOHABBAT AIK BAAR ISS LIYE HOTI HAI,

KE FALAN BAREY SHAYR NE APNI NAZM MAIN,

APNE ASHAAR MAIN, AUR APNI GHAZAL MAIN YE BAAT KEH DI,

 KE MOHABBAT TU SIRF AIK BAAR HOTI HAI.

MAIN NE PARHA, ISS LIYE MAIN MANTA HOON KE MOHABBAT SIRF AIK BAAR HOTI HAI.

KOI KEHTA HAI MAIN APP SE IKHTLAF KARTA HOON,  

KYON,

KYONKE MAIN NE BHI AIK BAREY SHAYR KI WO NAZM PARHI THI,

JIS MAIN LIKHA THA KE MOHABBAT TU HO JANEY WALI SHEY HAI.

YE JABB  JABB, JITNI BAAR, JISS JISS SE HO ISEY ROKNA MATT.

KISI NE KAHA, MOHABBAT AIK BAAR HO, DOO BAAR HO, YA BAAR BAAR HO,

LEKIN DIL MAIN JAGA BAN’ NEY WALE ISS IHSAS KO, DIL SE KABHI NIKALA NAHI KARTEY.

KYON KE JAB YE DIL SE NIKAL GAYI PHIR YE TUMHARI BHI NAHI REHTI.

MAIN KYON YE BAAT ITNE YAQEEN SE KEH RAHA HOON,

KYON KE MAIN NE AIK NAZM PARHI THI, AUR PHIR YE HI BAAT ,

MERA DIL BHI TU KEHTA HAI.

KISI NE KAHA MOHABBAT KUCH NAHI HOTI,

POCHA GYA KYON,

KAHA KE YE MERA DIL KEHTA HAI.

KISI NE KAHA LAGTA HAI MUJHEY MOHABBAT HO GAYI HAI,

POCHA GYA TUMHAIN KAISE LAGA,

KAHA MERA DIL KEHTA HAI.

KISI NE KAHA MUJHEY JIS SE MOHABBAT HOWI, MAIN NE USS SE IZHAR BHI KAR DIYA,

MAGAR USS NE KOI JAWAB NAHI DIYA,

LEKIN USEY BHI MUJH SE MOHABBAT HAI,

TUMHAIN KAISEY PATA,

MERA DIL KEHTA HAI.

KISI NE KAHA MUJHEY JIS SE MOHABBAT HOWI,

MAIN NE USS SE AUR USS NE MUJH SE IZHAR TU KIYA,

MAGAR NA JANEY AISA KYA HOWA, KE WO MUJHEY CHORR GYA,

HAAN ITNA ZAROOR HAI KE USEY BHI MUJH SE MOHABBAT HAI,

WO MUJHEY KABHI BHOOL NAHI PAYE GI,

TUMHAIN KYON AISA LAGTA HAI,

KYON KE MERA DIL KEHTA HAI.

KISI NE KAHA MUJHEY BHI MOHABBAT HOWI,

HUM NE IZHAR BHI KIYA, KAYI DIN TAK HUM MILTEY BHI RAHE,  

BOHAT SI BATEEN BHI KEEN,

APNEY MUSTAQBIL KE LIYE, APNEY HAAL KE LIYE,

MAAZI KI BOHAT SI KHUSH GAWAR YAADEN BHI BUNEE’N,

LEKIN PHIR ACHANAK MERI ZINDAGI MAIN KOI AUR AYA,

USS SHAKHS MAIN ITNI KASHISH HAI, USS KI MOHABBAT MAIN ITNI SACHAYI HAI,

KE USS KI MOHABBAT KI ROSHNI MAIN,

MAIN NE APNI PEHLI MOHABBAT KO GOUR SE DEKHA TU YE HI SAMHAJ MAIN AYA,

KE WO PICHLI MERI MOHABBAT NAHI, BALKE MEHAZ AIK KASHISH THI,

LEKIN TUMHAIN AISA KYON LAGA,

KYON KE MERA DIL KEHTA HAI.

YE JO MUJHEY RATOON KO NEEND NAHI AATI NA,

 MAIN DER TALAK JAGTI REHTA HOON, MAIN DER TALAK SOCHTA REHTA HOON,

MUJHEY KUCH ACHA NAHI LAGTA,

HAAN BASS DIL YE CHAHTA HAI,

MAIN SIRF USSI SE BATEEN KAROON, USEY HI SOCHTA RAHOON,

 USSI KI YADOON MAIN KHOYE REHNE KO DIL KARTA HAI,

AISA KYON SOCHTE HO,

KYON KE MUJHEY USS SE MOHABBAT HO GAYI HAI,

MAGAR YE SAB KHUSH FEHMI, GALAT FEHMI BHI TU HO SAKTI HAI,

NAHI YE HI SACH HAI,

KYON KE YE SACH MERA DIL KEHTA HAI.

MAIN TU BOHAT SANJEEDA MIZAJ THA,

MAIN AKSAR SANJEEDA HI REHTA THA,

MAGAR KAYI DINOO SE MAIN KHUD SE MUSKRANEY LAGA HOON,

WO SAB KUCH MUJHEY BOHAT ACHA LAGNEY LAGA HAI,

KYON,

 KYONKE MUJHEY BHI MOHABBAT HO GAYI HAI,

MAGAR TUMHAIN AISA KYON LAGTA HAI,

MERA DIL KEHTA HAI.

KISI NE KAHA MAIN TU BOHAT SADAA MIZAJ THI,

YE MUJHEY SAJNA SANWARNA, YE MUJHEY KUCH BHI ACHA NAHI LAGTA THA,

MUJHEY INN SAB BATOON SE TU CHIRRR THI,

KE NAYE KAPREY PEHAN KAR, KHUSHBOO LAGA KAR,

BAAL SANWAR KAR, ITRATEY HOWEY IDHAR UDHAR PHIRTI LARKIYAN,

MUJHEY BILKUL BHI ACHI NAHI LAGTI THEEN,

MAGAR AB KISI KE LIYE SAJNA SANWARNA MUJHEY BHI ACHA LAGTA HAI,

WO KYON,

KYON KE MUJHEY BHI MOHABBAT HO GAYI HAI,

MAGAR TUMHAIN KAISEY PATA,

MERA DIL KEHTA HAI.

HUM DONO JAB BHI SATH CHALA KARTEY THE NA,

TU HAMEEN LAGTA THA,

KE YE HAWA HAMEEN DEKHTEY HOWEY MUSKRATEY HOWEY GUZARTI CHALI JATI HAI,

HUM KABHI DARYA KINARE JAB KABHI SATH BETHEY HOTE,

TU HAMEEN YOUN LAGTA KE INN PANIOO’N MAIN REHNEY WALI MACHLIYAN,

HAMARI MOHABBAT PAR RASHK KARTI HOON GI,

SIRF HAMARA HI TAZKRA KARTI HOON GI,

WO SARI YAADEEN TU MEHFOOZ HAIN,

LEKIN AB WO MERE SATH NAHI,

MAGAR MUJHEY PHIR BHI YAQEEN HAI,

WO JAHAN KAHIN BHI HO GI,

MUJHEY BHOOL NA PAYI HO GI,

WO JAB KABHI NADIYA KINAREY, KISI KO KISI KA HATH THAMEY,

BOHAT ITRA KE CHALTE HOWE DEKHTI HO GI NA,

TU USEY MAIN, SIRF MAIN HI YAAD ATTA HOON GA,

MAGAR ITNEY YAQEEN SE YE BAAT TUM KAISEY KEH SAKTEY HO,

YE MAIN NAHI,

MERA DIL KEHTA HAI.

USS KE SATH MOHABATOON KE DIN KUCH ISS TARHA SE GUZREY,

KUCH ISS TARHA SE IZHAR E MOHABBAT HOWA,

KUCH ITNA YAQEEN USEY DIYA,

KUCH ISS TARHA SE APNEY LAFZOON SE MAIN USEY DILKASH BANA’TA RAHA,

KUCH ISS TARHA SE USEY DEKH KAR MUSKRAYA KARTA THA,

KUCH ISS TARHA SE USEY APNI MOHABBAT KA YAQEEN DILAYA,

APNI MOHABBAT KO KUCH ISS ANDAZ SE USS KE DIL MAIN UTARA,

KE AB SARI ZINDAGI USS KO KISI AUR KI MOHABBAT KA ANDAZ PASAND NAHI AYE GA,

HO SAKTA HAI YE SAB GALAT HO,

NAHI, YE HI TU SACH HAI,

KYON KE YE MAIN NAHI,

 MERA DIL KEHTA HAI.

WO JAB BHI AASMAN PAR JHIL MILATEY INN SITAROON KO DEKHTI HO GI NA,

USEY MERA UNGLI UTHAA KAR UNN DONO SITAROON KI TARAF,

 ISHARA KARNA YAAD AATA HO GA,

ARAY YAAR,

KOI KISI KI BAAT EN ITNA YAAD THOREY NA RAKHTA HAI,

NAHI, MAGAR WO RAKHEY GI,

KYON KE MERA DIL KEHTA HAI.

WO SITAREY TU DEKH SAKTI HAI, KABHI ISS TARAF, KABHI USS TARAF.

MAGAR HAR BAAR USS KI NAZAR,

 UNN DOO SITAROON KI TARAF ZAROOR PALTEY GI,

KYON KE WO SITAREY, AIK MAIN, AUR AIK WO THI,

HUM ALAG HO GAYE, MAGAR WO DOO SIATAREY ALAG NAHI HO SAKTEY,

MAGAR MERE DOST WO DOO SIATERY KABHI MIL BHI TU NAHI SAKTEY,

HAAN MILEY TU YE SITAREY BHI NAHI, NA KABHI MIL SAKTEY HAIN,

MAGAR INN DONO SITAROON KA RISHTA INN KI ROSHNIOO’N SE HAI NA,

JO AIK DOSREY MAIN SAMAA JATI HAIN,

HAAN YE DONO SITARY MIL KABHI BHI NAHI SAKTEY,

MAGAR SIRF AIK DOSREY KE LIYE HI HAIN ,YE SIRF AIK DOSREY KE LIYE HI,

BILKUL ISSI TARHA, HUM KISI SE KITNI DORR HI KYON NA HOON,

HUM KISI BHI HAAL MAIN KYON NA HOON,

HUM KISI AUR KE SATH HI KYON NA HOON,

MAGAR DIL MAIN SIRF HUM HI HUM HAIN,

KYON KE YE MERA DIL KEHTA HAI.

MERA DIL JAB BHI UDAS HOTA HAI,

MUJHEY LAGTA HAI USS NE MUJHEY PHIR TANHA BETH KAR,

AANKHEN BAND KAR KE,

MERI AUR APNI MOHABBAT KE UNN DINO KO YAAD KIYA HAI,

JINN DINO MAIN HUM DONO SATH SATH RAHA KARTE THE,

KABHI ZINDAGI MAIN KOI TALKHI HOTI, KOI DUKH HOTA,

KOI PERESHANI HOTI, KOI AISI BAAT HOTI, JO DIL KO BOHAT SATATI,

JO DIL KO BOHAT DUKHATI,

AISE MAIN HUM AIK DOSREY KA HATH THAAM KAR,

SARE DUKH DARD SHARE KAR LETE THEY,

MUJHEY LAGTA HAI AJJ USS NE MUJHEY PHIR BOHAT YAAD KIYA HAI,

MAGAR TUMHAIN KYA MALOOM, WO KAHAN AUR KIS KE SATH HO,

WO JAHAN, JIS HAAL MAIN BHI HO,

MAGAR USS KE ZAHRI DIL MAIN AB BHI, SIRF AUR SIRF MAIN HI HOON.

AUR YE SAB MAIN NAHI,

MERA DIL KEHTA HAI.

WO JAB BHI BAHAROON KO DEKHTI HO GI,

KISI TITLI YA KISI KHUSHBOO KA PECHAA KARTI HO GI,

AUR JAB WO TITLI USS KE HATHOON MAIN AA KAR FORAN NIKAL JATI HOON GI,

TU USEY MAIN YAAD ATTA HOON GA,

YE MERA DIL KEHTA HAI.

AIK BAAR NAHI, KAYI KAYI BAAR KEHTA HAI,

AAJ SE PEHLE JAB BHI MERE DIL MAIN KOI HAL CHAL HOWI,

TU MAIN NE USS SE POCHA, TUM NE MUJHEY YAAD KIYA HAI NA,

WO HERAN, MAGAR MUSKRA KAR POICHTI, TUMHAIN KAISEY PATA,

MAIN SIRF AIK HI BAAT KEH PAATA,

YE SAB MUJH SE MAIN KHUD NAHI,

BALKE,

MERA DIL KEHTA HAI...!!

MUJHEY JO POCHTEY HO TUM MUJHEY KITNI MOHABBAT HAI,

CHALO HUM MAAP KARTE HAIN,

HISAB APNI MOHABBAT KA KHUD APNE APP KARTE HAIN,

CHALO SOORAJ KO DEKHO TUM,

BTAOO KITNI KIRNEE’N HAIN, BTAOO KITNI ROSHAN HAI, BTAOO KITNI HIDAT HAI,

CHALO AB CHAND KO DEKHEEN KE ISS KA HUSN KYON HAR IK DIL KO LUBHATA HAI,

FIRAQ AZOODA SHAKSH KO YE AAKHIR ITNA KYON SATATA HAI, YE AAKHIR KYON RULATA HAI,

SITAREY BHI FALAK PAR HAIN, MAGAR ISS KI KOI GINTI KABHI KOI KAR BHI PAOO GE,

MUQADAR KE SITAREY KO KAHIN SE DHOOND LAYO GE,

CHALO SAHIL PAR CHALTE HAIN,

SAMADAR KI JAHAN BHIPRI HOWI LEHREEN HAMESHA MUSKRATI HAIN,

KINAROON SE GALEY LAG KAR YE PHIR KYON ROOTH JATI HAIN,

ABHI BARISH KO LETE HAIN KE JIS KI NARAM GEEN BONDEEN,

BHARE SAWAN MAIN KITNEY PYAR SE HUM KO BHIGOTI HAIN,

MAGAR JAB JOSH MAIN AYEEN TU DUNIYA KO DABOTI HAI,

BARAS JAATI HAI SEHRAOO’N PE MUDAT SE JO PYASE HAIN,

KAHIN PAR REHAM KARTI HAIN, KAHIN PAR ZULM DHATI HAIN,

CHALO AB PHOOL KI BAARI KE JIS KE ISHQ MAIN BHANWRE KE KAATI ZINDAGI SAARI,

MAGAR PHIR BHI WO TANHA HAI,

MEHAK PAR PHOOL KI SHEDA HAI AAKHIR KYON JAHAN ITNA,

BATA SAKTE HO TUM MUJH KO KE AAKHIR RAAZ KYA HAI YE,

GULOON KE RANG KITNE HAIN,

YE KHUSHBOO KA MAZA KYA HAI,

AGAR INN SAB LO LE AYOO TU SHAYD MAIN BATA PAOO’N,

MOHABBAT TUM SE KITNI HAI,

MOHABBAT MUJH KO KITNI HAI,

SHAYD MAIN BATA PAOO’N MOHABBAT MUJH KO KITNI HAI…!!

“JOOGI”

MERE HATHOON KI JANIB DEKH KAR YE BOLA IK JOOGI,

BOHAT PECHEEDA LAGTI HAIN TERI QISMAT KI REKHAYEE’N,

KE INN MAIN DEKHTA HOON MAIN JHALAK KUCH ARZOO’N KI,

NAZAR AATI HAIN KAISI KAISI ANHOONI TAMANAEE’N,

PARA HAI QUFL SA KOI MOHABBAT KI HAWELI MAIN,

BASA HAI KOI ALAM HIJR KA TERI HATHELI MAIN,

HAZAROON KHAWAB HAIN BIKHRE HOWE TERI NIGAHOON MAIN,

HAZAROON KHAWAHISHEEN HAIN KE JIN KI KHATIR JEE RAHA HAI TU,

KISI KI BE WAFAI SE BHI TUJH KO PYAR HAI JAISE,

TAB HI TU ZEHR E FURQAT MUSKRA KE PEE RAHA HAI TU,

TUJHEY SHAYD ZAMANE SE KOI SHIKWA NAHI AB TAK,

MAGAR JO SACH KAHOON AISA KABHI DEKHA NAHI AB TAK,

TUJHEY KUCH TU TERI WEHSHAT NE BE PARWA BANAYA HAI,

TU KUCH TU NE SABQ SEKHA HAI APNE EHD E ULFAT SE,

NA JANE KYON TERE HATHOON KI YE REKHA BATATI HAI,

 KE JAISE TUJH KO REHTI HAI SHIKAWAT APNI QISMAT SE,

KHABAR INN CHAND REKHAOO’N SE MUJEY YE BHI MILTI HAI,

TERE SENEY MAIN DHARKAN IK BOHAT HISAS DIL KI HAI,

AGAR TU SOCHTA HAI ZINDAGI KI TALKH RAHOON MAIN,

TUJHEY FIRDOUS MIL JAYE TU AISA HO NAHI SAKTA,

BURA MATT MAN NA AGAR BAAT KEH DOON MAIN SADAQT KI,

TUJHEY JIS SE MOHABBAT HAI WO TERA HO NAHI SAKTA,

SAFAR MAIN AASHQI KE TUJH KO TANHA DEKHTA HOON MAIN,

TERI ULFAT KO DUNIYA BHAR MAIN RUSWA DEKHTA HOON MAIN,

LAKEREEN TERE HATHOON KI MUJHEY YE BHI BTATI HAIN,

KE KISI DIN SE KISI GAMBHEER MUSHKIL MAIN PARA HAI TU,

AUR AISA DEKHTA HOON JAISE SHEHR E ISHQ MAIN PYARE,

ADO’OO HAI TERI CHAROON SAM’T AUR TANHA KHARA HAI TU,

HAQEEQAT HAYE KAISI DEKHNEY WALI HAI KUCH DIN SE,

KE MERI TARHA TERI JEEB BHI KHALI HAI KUCH DIN SE,

MERI IK BAAT SUN, ANSOO BAHANA CHOOR DE PYARE,

KISI KI YAAD MAIN YOUN DIL JALANA CHOOR DE PYARE,

JO TERA HO NAHI SAKTA, WO TERA HO NAHI SAKTA,

SOO USS KI AAS MAIN KHUD KO MITANA CHOOR DE PYARE,

FASANA APNI ULFAT KA KALM KI NAZAR KARTA JAA,

SAHE JAA ZINDAGI KI TALKHIYAN AUR SABR KARTA JAA...!!

“WO IK SHAKSH JANTI HO TUM”

JIS KI AANKH MAIN NAMI SI THI,

JIS KA CHEHRA MALOOL REHTA THA,

WO HI JO BE TAWAJO’I KE SABAB HAMESHA BE ASOOL REHTA THA,

WO AIK SHAKHS JANTI HO TUM,

WO JISEY NEEND BOHAT PYARI THI,

WO JO IK KHAWAB KE ASAR MAIN THA,

WO HI JO LA ILM RAHA MANZIL SE, WO HI JO UMAR BHAR SAFAR MAIN THA,

WO IK SHAKHS, WO IK SHAKHS JANTI HO TUM,

JIS NE KHUSHBOO KI TAMANA KI THI, AUR RONDEY GULAB PAYE THE,

JIS NE APNI HI NEKIOON KE EWZ RAFTA RAFTA AZAB PAYE THE,

WO AIK SHAKHS, WO AIK SHAKHS JANTI HO TUM,

JIS KA DEEN BASS MOHABBAT THA,

JIS KA IMAN BASS WAFAEE’N THEEN,

WO JIS KI SOCH BHI PERESHAN THI, WO JIS KE LAB PAR FAQT DUAEE’N THEEN,

WO HI ULJHI HOWI BE CHAIN SI BATOON WALAN,

MOHABTOON SE DARR GYA KALL SHAB,

HIJR KE DUKH KO SEHTE SEHTE WO SHAKHS, MARR GYA KALL SHAB,

AYOO AB LAASH UTHAO USS KI,

WO JO TERE ASAR MAIN REHTA THA,

AB AB SOOG MANAOO USS KA,

WO JO SOORAJ KO QAMAR KEHTA THA,

MOHABTOON SE DARR GYA KALL SHAB,

WO SHAKHS, MARR GYA KALL SHAB,

WO SHAKHS, MARR GYA KALL SHAB...!!