KABHI FURSAT MAIN AYOO TU MERI IK NAZM SE MILO,

MAGAR ISS NAZAM KA DHAGA,

TUMHARI YAD KA LEHJA BADALTE HI NA JANE KYUN,

ULHAJ KAR TOOT JATA HAI,

TAB HI TU ISS KI SATREEN JA BA JA BIKHRI HOWI HAIN,

KOI TAKIYE KI SHIKNOON MAIN BOHAT TOOTI HOWI,

NEENDOON KI AANKHOON MAIN PARI HAI,

KOI DEHLEEZ PAR AHAT KI BAALI KAAN MAIN DALEY KHARI HAI,

KOI RUKHSAR PAR AANSOO KI SORAT JAMM GAYI HAI,

KOI DIL SE LABOON TAK AA TEY AA TEY THAM SI GAYI HAI,

KOI BOOK SHELF MAIN BECHAIN HATHOON SE UTHA KAR,

BIN PARHEY KITABOON MAIN PARRI HAI,

KOI EHSAS KI ANKHOON MAIN KANKAR KI TARHA AATKI HOWI HAI,

KOI USS ADH JALEY CIGERATE MAIN LIPTI REH GAYI HAI,

ZYAN KI DHOOL BAN KAR PAON SE LIPTI HAIN KUCH SATREEN,

KAHIN IS SATR KE ANDAR SHIKASTA MANN SE BHEGI HOWI PALKEEN PARI HAIN,

KAHIN IK SATR MAIN WO CHAND ATKA HAI,

MERE KAMREY KI KHIRKI SE JISEY TUM DEKH KAR SHEESHA SE ULJHA CHOOR GAYE THEY,

KOI AIK SATR USS CHAYE KI PYALI MAIN PARI HO GI,

PIYE JANEY KI KHAWAHISH MAIN JO TABLE PAR HI RAKHI REH GAYI HAI,

KAHIN IK SATR MAIN KHAWABOON KA WO RASTA BHI RAKHA HAI,

MAIN JIS PAR APNI AANKHEN BHOOL AYA HOON,

KAHIN AIK SATR KE ANDAR MERI WO SANS RAKHI HAI,

TUMHARI BE NISHAN MASROOFIYAT KE BHOJ SE JISS KO MAIN AB JI NAHI PAYA,

KOI AIK SATR SHAYD DAKIYE KI CYCLE KI CHAIN MAIN ULJHI HOWI HAI,

TUMHARA KHATT LIYE BIN ISS GALI KYON WO ATTA HAI???

ZARA SA GOUR SE SUN’ NA………….!!

RECEIVER MAIN TUMHARE PHONE KE SHAYD MERI AWAZ RAKHI HO,

ISAY AB PARCEL KAR DO MAIN ISS SE BHI KUCH BHEEGI HOWI SATREEN BANA LOON GA,

ABHI DIL KI HATHELI PAR BHI KUCH SATREEN PARI HAIN,

BOHAT NAZUK HAIN, LAFZOON SE CHHUWA TU TOOT JAYEN GI,

KOI INN MUNTAZIR AANKHOON MAIN RAKHI HAIN,

JINHAIN TUM APNA KEH KAR BHOOL JATEY HO,

YAHIN AIK SATR KI ANKHOON MAIN MERA KHAWAB RAKHA HAI,

TUMHARI BE RUKHI KE PAON SE KUCHLA PARA HAI,

MERE ISS KHAWAB KA TAWAN KYA DO GAY???

SUNO….!!

ISS NAZM KO UNWAN KYA DO GAY…....???

Suna hoga
Bohat tum ne,
Kahin ankhon
Ki rim jhim ka,
Kahin palkon ki
Shabnam ka,
Parha ho ga
Bohat tum ne
Kahin lehjey ki
Barish ka,
Kahin sagar k
Ansoo ka..
Magar tum ne
Kabhi Humdum..
Kahin dekhey?
Kahin parhey?
KISI TEH-REER K AANSO ?
Mujhey teri judai ne..
Yahi meraj
Bakhshi hai..
K main jo
Lafz likhta hon..
Woh sarey
LAFZ ROTEY HAIN.
K main jo
Harf bunta hon,
Woh sarey
BATAIN KARTE HAIN.
Mere sang
Is judai mein,
MERE
ALFAZ MARTEY HAIN….!!

Meri Zindgee Kay Charagh Ko
Yoon Hee Jaltaa Chore Do

Kia Pata Kab Kahan Tumhain Kuch Andhera Saa Dikhaee Day
Jo Raat Sakht Thee Guzer Gaee

Jo Din Kara Thaa Kat Gia
Ho Gaee Udaas Shaam Bhee

Woh Wasl Kaa Waqt Bhee Kat Gia
Woh Gulaab Dhoop Bhee Chut Gaee

Main Iss Umeed Pay Hoon Khara
Woh Mujhay Atta Dikhaee Day

Yoon Intzaar-e-Yaar Main
Khushboo kaa safr Bhee Khatam Howa

Kia Bahaar Mujh say rooth gaee
Jo Khizaan Atee Dikhaee Day

Meri Ik Arz Hay Khuda Say
Mujhay Mot Jab Bhee Naseeb Ho

Mira Sir Ho Kow-e-Yaar Per
Aur Woh Mujhay Muskarata Dikhaee Day

Mere Iss Gazal Kay Safr Main
Mera Yaar Mujh Say Bicher Gia

Mujhay Zindgee K ayn Darmyan Ik Khala saa Dikhaee Day ..!!

Nigahon ke tasadum se ajab takraar karta hai
yaqin kaamil nahi lekin gumaan hai payar kerta hai

Laraz jata hun mein ye soch k kafir na ho jaon
Zehan ye us ki pooja per bara israr kerta hai

usay maloom hai shayad mera dil hai nishaney per
Labon sai kuch nahi kehta nazar se war kerta

Mai us sai pochta ho khuwab mai Mujh sai muhabbat hai??
Phir ankhain khol deta hon k jab izhar kerta hai...!!

Agar ye Jan'na Chaho, koi kaise Bikhrta hai....?
Bikhr kar kaise jeta hai......?
Chaman main tum Chale jana...khizan ke sard Mosam mein

Wahan patton ko dekho tum

Yya phir 1 Aaine Le lo....., Usey Pathar Pe De maro
Agar Muskil ho ye bhi To...........!!

Aik phool Le Lena....., Hawa ke Dosh pe Rakhna
To Phir Tum Jaan jaoo Ge..... KOI KAISE BIKHarTA HAi

Agar ye Bhi na Ho Tum se.......!!

To mere Pass aa Jana.......... MERA DeDaaR KaR LENA
khabar ye ho hi jaye gi
KOI KAISE BIKHRTA HAI...!!

KAHIN ISHQ KI DEKHI IBTDA,
KAHIN ISHQ KI DEKHI INTHA,
KAHIN ISHQ SOOLI PE CHARH GYA,
KAHIN ISHQ NA NEZEY PE SIR GYA,
KAHIN ISHQ SAJDEY MAIN GIR GYA,
KAHIN ISHQ SAJDEY SE PHIR GYA,
KAHIN ISHQ DARS E WAFA BANA,
KAHIN ISHQ HUSN E ADDA BANA,
KAHIN ISHQ NE SANP SE DASWA DIYA,
KAHIN ISHQ NE NIMAZ KO QAZA KIYA,
KAHIN ISHQ SAIF E KHUDA BANA,
KAHIN IHSQ SHER E KHUDA BANA,
KAHIN ISHQ TOOR PE DEEDAR HAI,
KAHIN ISHQ ZIBAH KO TYAR HAI,
KAHIN ISHQ NE BEHKA DIYA,
KAHIN ISHQ NE SHAH E MISR BANA DIYA,
KAHIN ISHQ ANKHOON KA NOOR HAI,
KAHIN ISHQ KOH E TOOR HAI,
KAHIN ISHQ TU HI TU HAI,
KAHIN ISHQ ALLAH HOO HI ALLAH HOO HAI……!!

Agar sahil kahoon, kashti kahoon ya nakhuda tum ko,
Agar taqdeer ya inam ya qismat kahoon tum ko,
Agar gunchaa kahoon, lala kahoon, nargis kahoon tum ko,
Kahoon main jaan, ya janan, ya jan e jaan kahoon tum ko,
Agar jharna kahoon, sagar kahoon, darya kahoon tum ko,
Agar sesha kahoon, mooti kahoon, resham kahoon tum ko,
Ye sarey naam teri zaat ke, pehloo sahi lekin,
Magar jachta nahin koi, ye sarey naam faani hain,
Tumhara naam aisa ho jo tum ko jawadaan kar de,
Tumhain pora byan kar dey,
Suno aa meharbaan larki……….!!
Tumhara naam rakha hai,
Mohabbat……………naam…………..kai

sa hai…..??
Mohabbat jo kabhi marti nahin…………!!!

Jab Main Gher sey nikal raha tha,
chalte chalte ,
mere seeney sey hat'tey pal,
Dheerey sey ik sarghoshi main,
Usney Kaha Tha....!!
Dekhain,
Cahahey kuch bhi hojaye,
Rooz mujhe RING kijiyega,
Phir jb uskey Haath or nazrain meri TiE per then,
Kehney Lagi....!!
Aap nahi hotey hain to bilkul Akeeli ho jati hon,
Chorr nahi saktey Yeh BUSINESS….!!
Aap mujhe Q tarrpatey hain,
Acha dekhain youn kertay hain,
Aik din khat aur aik din Phone....!!
Mainey Osko Boosa de ker,
Usey Kaha Tha,
Ab Key Chahey Kuch hojaye……!!
Khat likhounga Phone karounga,
Haaye! Lekin Khud sar'fitrat,
aur kuch aur karobaar ke jhanjhat,
Na to usko phone kya tha,
aur Na hi koi Messege naa hi Card,
Ab jo gher ko laut raha Hon,
sooch raha hon,
tanhayi k Yeh do Haftey,
Uss per Sadiyon jese Hongey,

Lekin yeh bhi janta hey dil,
usko Be'hadd shikwey honge ,
tarrpi hogi,
Chupp ker takiye main raaton ko rooyi hogi ,
Khafa khafa si,
Lekin....!!
Gher main dakhil ho kar,
main uskey maathay per ik Boosa Dounga,
un Hoonto per Hoont rakhounga,
Aur kahonga....!!
Yar mujhey Tum Yaad Aayi Thi….!!
Lamhey lamhe main so baar,
Bus itna hi kehna Hoga,
Aur woh pagli apna sab kuch sonp kar Mujhko,
Mere seene se lag jayegi ,
phir jab uska haath or nazrain Dono mere seene k baalon per hongey,
(woh seena jo un Ashkon se bheega Hoga)
sargoshshi main mujhse kahegi ,
Aap bhaley ab kuch bhi karlain hargiz ab na janey Dongi,
Sachi app to bohat bure hain,
Bohat bure Hain....... Bohat bure Hain..!!

"MUJHE TUM SE MOHABBAT HAI"
Jitni Soraj ko
HiDat se
Jazbe ko
ShiDaT Se
Sagar ko
Rawani se
Abar ko
Pani Se
Rat ko
Andhere Se
Subha ko
Sawaire se
Tufan ko
Zour se
Machli ko
Samandar se
Saqi ko
Jam Se
Shaair ko
KaLam se
Moti ko
Seep Se
Parwane ko
Deep se
"MUJHE TUMHARI TALAB HAI YUN"
Jaise kali ko
Khilne ki
Bichhre ko
Milne ki
Paon ko
Payal ki
Zakham ko
Ghail ki
Hijar ko
Wisal ki
Zawal ko
Kamal ki
Sitaron ko
Chand ki
Paton ko
Shajar ki
Aawara ko
Ghar ki
wehshi Ko
Junun Ki
Bimar Ko
Shifa Ki
Wali Ko
KHUDA Ki
Teer Ko
Kaman Ki
Pathar Ko
Zuban Ki
Ajnabi Ko
Pehchan Ki
Jism Ko
Jan Ki
Har Ko
Jeet Ki
"BUS MUJHE TUM SE MOHABBAT HAI ITNI"

Wo jazbey cheen lo mujh se,
Jo mere ang, meri rooh, mere dil main bastey hain,
Jinhain khud main samoney ke liye seney tarstey hain,
Wo lamhey cheen lo mujh se,
Jo mere zehn ki tarekiyoon main shameen roshan hain,
Meri khalwat ki khushboo hain, meri yadoon ke gulshan hain,
Wo chehrey cheen lo mujh se,
Jo khaal o khild nahin, ab ainey hain meri seerat ke,
Jo har pehloo se aks e zoofishan hain meri soorat ke,
Wo rishtey cheen lo mujh se,
Jo mere zehn o dil main roshni ke beej botey hain,
Jo rag rag main lahoo main lahoo ki chaap se mansoob hotey hain,
Wo aankheen cheen lo mujh se,
Jo meri rooh na nohaa hain, meri zaat ka lehja,
Jahan dhalta hai ainoon main ehsasaat ka lehja,
Wo sapney cheen lo mujh se,
Jo inn weran ankhoon main, abhi tak jagmagatey hain,
Abhi tak sans letey hain, abhi tak muskratey hain,
Wo sab kuch cheen lo mujh se,
Magar aa zalmo, mujh se mera “EHSAS” matt chenoo,
Talab ki aas matt chenoo,
Jo mere zabt ki pehchan hai, wo pyas matt chenoo,
Mera “EHSAS” matt chenoo…!!

US NE POOCHA !!!
HAATH KI REKHA'ON PER HAI WISHWAS TUMHARA
MAIN NE KAHA !!!
BAS THORA THORA
WO BOLA !!!
DIKHLANA TO TEHRER HAI KYA HAATHON PER TUMHARE
MAIN NE KAHA!CHORO JANE DO
KYA RAKHA HAI IN BAATON MAIN
US NE JAB ISRAR KIYA TO
MAIN NE MUTTHI KHOL DIKHAI
US NE HAATHON KO THAMA,DEKHA AUR YE BOLA!
CROSS BOHT HAIN ZYADA IS PER
WAISE KISMAT BURI NAHI HAI
HAATH CHURA KER MAIN YE BOLI !!!
SUCH KEHTE HO,YON HI HO GA
TAB WO AAHISTA SE BOLA !!!
SUCH POOCHO TO,MAIN NE YE SAB JHOOT KAHA HAI
KISMAT K IS ILAM SE MAIN B NA WAQIF HON
MAIN NE TO BAS
HAATH TUMHARA CHONA CHAHA..!!

Murgha Mera Murghiyun Mai Bara Mashoor Hua Hai
Jese Filmon Mai Aamir Khan Ka Daur Hua Hai

Har Roz Ek Naii Murghi Ke Sath Gali Mai Tehelna
Es Baat Ka Murghon Mai Bara Shor Hua Hai

Ek Baar Pakra Gaya Bewah Murghi Ke Sang Sar-E-Aam
Randwey Murghon Mai Es Baat Pe Ghor Hua Hai

Kambakht Deta Nahi Hai Ab Kabhi Sehr Ki Azaan
Aiyashiyun Mai Doob Kar Aesa Kaam Chor Hua Hai

Molvi Sahib Ki Murghi Jab Se Kar Gai Inteqaal
Tab Se Bechara Laachaar Aur Kamzor Hua Hai

Parosan Ne Mara Taana, Mera Murgha Bhi Mere Jesa
Sun Kar Yeh Baat "DOST" Sharminda Zaroor Hua Hai...!!

Koi Mila Hi Nahi Jis Ko Wafa Dete,
Har Ik Ne Dokha Diya Kis Kis Ko Saza Dete,
Ye Hamara Zarf Tha Ke Khamosh Rahe Warna,
Daastan Sunatey To Mehfil Ko Rula Dete..!!

~ TERI QABAR PE PHOOL YE AYEE HAIN KIS TARHA AAKHIR ~
~ SACH SACH BATA KE KOI KYA HUM SE QABL YAHAN AYA THA ~

Sahil ki geeli rait per
Main ne uss say pocha

Tera mashgala kya hai?
Uss nay palkain jukha ker

Muskura ker
Mera nam likha aur mita diya..!!

~ KUCH AISE HAADSAY BHI ZINDAGI MAIN HOTE HAIN "Dost" ~
~ KE INSAAN BACH TO JAATA HAI MAGAR ZINDA NAHI REHTA ~

Suno Logo…...!!
Meri Aankhain khareedo gy..??
Buht Majboor halat mein mujhy Nilam karni hain,
Koi mujh sy Naqad ly ly,

Mein thory Daam ly longa,
Jo pehly boli daidy, Bs usi ky naam kar donga,
Mujhy bazaar waly keh rahy hain, AA Kam Aqal Tajir,
Ary sunsan logo mei nahin hoon HIRS ka Khawa’han,

Nafa nuqsan ki shatranj nahin mein khailny aya,
Koi mujh ko kahy na Manchala sa bayhunar Tajir,
Bata Paon tumhy kis tarha, kis tashweesh main rakhon,

Suno Logo……….!!
Meri Mehboob’Tar hain mujhko meri neem’tar aankhain,
Magar ab baichta hoon kyon ke..!
Mujhy Ik khuwab ka Tawaan bharna hai………!!

Suna he diary Likhte ho tum ?

kesa bhi mausam ho
tumhare haath mai

Qalam rehta he

apne dil ka sara bojh haLka kerte ho

kaaghaz0n se baatain kerte ho

Lafz0n ki dunyaa banate ho

suna hey diary Likhte ho tum ?

tumhari zindagi ka her Lamha tumhari diariy0n mai chhupa he

w0h sab tumne likha he,
jo tumney jiya he

diariy0n ko sajaya he,
unhai banaya he

Suna he boht chah se rakhte h0 ?
Suna he diary Likhte ho tum ?
mujhey bus aik baat puchni he
kabhi Lafz December bhi Likha he tumne !
December ki sard taweel raat0n mai
kabhi to likha hoga December ko. . . .!!!
kabhi nikLa hoga tumhare QaLam se bhi
December Dard ?
aur Lafz0n main dhaLa hoga
w0h Dard sard. . . . !
itni diariyaan likh chuke ho tum
mujhey bus yeh batao
December jab bhi likha hey tumney. . . . .
Tumhare aansu bhi behte hain ?
tumhari zard aankh0n se bhi
sard December behta he ?
mujhey yeh batao
w0h aansu kese r0kte hain ?
suna he…..!! Diary Likhte ho tum …. ?

Darichay se jhankti wo Larki,
Ajeeb dukh se bhari huwi hai,
Ke us ke angan main phool per,
Ek neeli titlee mari huwi hai,
Kabhi Aazanoon main khowi khowi,
Kabhi Namazoon main rowi rowi,
Wo aise duniya ko dekhti hai,
Ke jaise us se dari howi hai,
Darood se mehki mehki sansein,
Wazifa parhti howi wo ankhein,
Ke ek Shama-e-umeed un main,
Kaii baras se parri howi hai,
Wo dukh ki chadar main lipti lipti,
Wo kaale kapron main simti simti,
Mohabbat us ne kissi se shayed,
Meri tarah hi ki howi hai..!!

Usay kehna !!

December jaraha he. .

Decemeber kay guzartay hi
Baras ek aur mazi ki fizaon mei doob jaega

Usay kehna !!
December ka maheena jaisay guzrega

Umedein doob jayengi,
Woh sapnay toot jayenge

Usay kehna !!
December kay guzarnay say zara pehlay

Mohabbat ko koi tabeer de jaye

Usay kehna !!
Muqadar ko hamaray doob janay say bacha lena

Usay kehna !!
December ja raha hay..!!