.

Darichay se jhankti wo Larki,
Ajeeb dukh se bhari huwi hai,
Ke us ke angan main phool per,
Ek neeli titlee mari huwi hai,
Kabhi Aazanoon main khowi khowi,
Kabhi Namazoon main rowi rowi,
Wo aise duniya ko dekhti hai,
Ke jaise us se dari howi hai,
Darood se mehki mehki sansein,
Wazifa parhti howi wo ankhein,
Ke ek Shama-e-umeed un main,
Kaii baras se parri howi hai,
Wo dukh ki chadar main lipti lipti,
Wo kaale kapron main simti simti,
Mohabbat us ne kissi se shayed,
Meri tarah hi ki howi hai..!!