.

CHALAY JO HO TO BATA K JAO,

KEH KITNI SHAAMEN UDAS AANKHON MEI KAATNI HAIN,

KEH KITNI SUBHAIN AKELAY PAN MEI GUZAARNI HAIN,

BATA K JAAO KEH KITNAY SURAJ AZAAB RAASTON KO DEKHNA HAI,

KEH KITNAY MAHTAAB SARD RAATON KI WUS'ATON SAY NIKAALNAY HAIN,

BATA K JAO KEH CHAAND RAATON MEI WAQT KESAY GUZAARNA HAI,

KHAMOSH LAMHON MEI TUJH KO KITNA PUKARNA HAI,

BATA K JAO KEH KITNAY LAMHAY SHUMAAR KARNAY HAIN HIJR RAATON K,

KEH KITNAY MAUSOM AIK AIK KAR K JUDAIYON MEI GUZAARNAY HAIN,

BATA K JAO KEH PANCHHIYON NAY AKELAY PAN KA SABAB JO POOCHA,

TO KAYA KAHOON GA????

BATA K JAO ...MEIN KIS SAY TERA GILA KAROON GA,

BICHHAR K TUJH SAY HABIB..KIS SAY MILA KAROON GA,

BATA K JAO KEH AANKH BARSI TO KON MOTI CHUNA KARAY GA,

UDAS LAMHON MEI DIL KI DHARKAN SUNA KARAY GA,

BATA K JAO KEH MAUSOMON KO PAYAAM DENAY HAIN YA NHI,

FALAK KO, TAARON KO, JUGNUON KO SALAAM DENAY HAIN YA NHI,

BATA K JAO KEH KIS PAY HAI AITBAAR KARNA,

TO KIS KI BAATON PAY BAY NIYAZI K SILSILAY IKHTIYAR KARNA,

BATA K JAO KEH AB RAWWAIYON KI CHAAL KAYA HO,

JAWAB KAYA HO, SAWAAL KAYA HO,

UROOJ KAYA HO,ZAWAAL KAYA HO,


NIGAH,RUKHSAAR,ZULF,CHEHRA

...NIDHAAL KAYA HO,

BATA K JAO KEH MERI HAALAT PAY CHANDNI KHILKHILA PARRI TO,

MEIN KAYA KAROON GA,

BATA K JAO KEH MERI SOORAT PAY TEERGI MUSKARA PARRI TO,

MEIN KAYA KAROON GA,

BATA K JAO KEH TUM KO KITNA PUKARNA HAI,

BICHHAR K TUJH SAY YEH WAQT KESAY GUZAARNA HAI,

UJAARNA HAI? NIKHAARNA HAI?

CHALAY JO HO TO BATA K JAO,

KEH LAUTNA BHI HAI YA...?